27 тамызда Қазақстан мен Түркия арасындағы тұрақты жолаушылар рейстеріне қойылған шектеулер алынып тасталады. Бұл туралы Newsroom + Ақпарат агенттігі Sputnik Қазастан сайтына сілтеме жасап хабарлайды.
«COVID-19-ның таралуына байланысты жағдай тұрақталып жақсарғасын, түрік тарапы Қазақстаннан Түркияға жолаушылардың кіруіне шектеуді алып тастады. 2020 жылдың 27 тамызында Қазақстан мен Түркия арасындағы тұрақты жолаушылар рейстері ашыла бастайды», - деп хабарлады Индустрия және инфрақұрылымды дамыту министрлігі.Рейстер Қазақстан мен Түркияның санитарлық-эпидемиологиялық стандарттарына сәйкес орындалады. Кестені авиакомпаниялардың сайттарынан табуға болады. Еске салайық, Түркия тарапы 2020 жылдың 5 тамызынан бастап Қазақстаннан жолаушылардың кіруіне шектеулер енгізді. Индустрия және инфрақұрылымды дамыту министрлігінің Азаматтық авиация комитеті екі ел арасындағы рейстерге қойылған шектеулерді алып тастау туралы келіссөздер өткізді.