Пандемия 2 жылсыз бітпейді: ДДҰ басшысы сөзіне неге сенімді?

ДДҰ есептеуі бойынша, COVID-19 пандемиясы екі жылдан аз уақытта аяқталмайды. Бұл туралы ұйымның бас директоры Тедрос Адханом Гебрейесус айтты, - деп хабарлайды Newsroom+Ақпарат агенттігі РИА Новости сайтына сілтеме жасап. Оның айтынша, 1918 жылғы "Испан тұмауы" эпидемиясы да 2 жылға созылған.

"Байланыс көп болса, вирус тез тарайды. Бірақ бізде оны тоқтату үшін технологиялар бар. Сондықтан бізде жаһандану және өзара байланыста кемшілік болғанмен, технологиялар жағынан артықшылық бар", - деді ұйым басшысы.

Бұған дейін ДДҰ Денсаулық сақтау саласындағы төтенше жағдайлар бағдарламасының директоры Майкл Райан адамзат коронавирусқа қарсы ұжымдық иммунитетті әлі қалыптастырмайтынын айтқан еді.