51 жастағы ер адам ажырасуға арланып, әйеліне балта жұмсаған

27 сәуірде таңғы сағат 9-да Келес полиция бөлімінің 102-пультіне мектеп жанында қансырап жатқан әйел табылғаны туралы мәлімет келіп түседі, деп хабарлайды Newsroom+Ақпарат агенттігі Otyrar.KZ сайтына сілтеме жасап. Дәрігерлер әйелді ауруханаға жеткізді. Оның жағдайы өте ауыр күйде болды. Онымен тілдесу де мүмкін болмаған, дәрігерлер онымен жүздесуге ешбір адамды жібермеді. Бұл қылмыс қоғамда үлкен реонанс туғызды. Оқиға орнын қарау кезінде тергеуші мен сот-сарапшылары жолдан қылмыс құралы - балта мен көптеген қан іздерін, жәбірленушінің аяқ киімін тапқан. Үй-үйді аралап, куәлік алынды. Бірақ ешкім ештеңе көрмеген. Жедел жәрдем қызметкерлері жәбірленушінің таныстарын мұқият зерттеді. Нәтижесінде полиция жәбірленушінің бұрынғы күйеуі - 1969 жылғы жергілікті тұрғыннан күдіктенді. Оның мекен-жайына іздеп барғанда ол тұрған жерінде болмаған. Көршілері оның бұрынғы әйелімен қарым-қатынасын көпке дейін үзе алмай жүргенін, біресе қосылып, біресе ажырасатындарын айтқан. Көшедегі бақылау камерасы полицияға кінәліні анықтауға көмектесті. Сөйтіп жәбірленушінің күйеуі 5 сағаттың ішінде аудан орталығындағы көшелердің бірінде ұсталды. Ұсталғаннан кейінгі келесі күні сот оны қамауға алуға рұқсат берді. Белгілі болғандай, мұндай қатыгез қылмыс жасауға ерлі-зайыптылардың ажырасуы себеп болған. Айыптау ісі бойынша іс маусым айында прокуратураға, содан кейін сотқа жолданды. Тамыз айында аудандық сот 51 жастағы ер адамды 11 жыл 3 айға бас бостандығынан айырды.