Мәдениет және тілдерді дамыту бөлімінің маманы әйелін 40 рет пышақтап өлтірген

Қостанай облысында әйелін пышақтаған ер адамға үкім шықты, деп хабарлайды Newsroom+Ақпарат агенттігі. Соттың анықтауы бойынша, 2019 жылдың 4 тамызында сотталушы әйелімен тағы бір отбасылық жанжал кезінде, ажырасқысы келгендіктен оны мойны мен кеудесін ас үй пышағымен пышақтап тастаған. Жәбірленуші оқиға орнында қайтыс болды. Содан кейін сотталушы қылмыстық жауапкершіліктен жалтару үшін өзін-өзі қорғап мойынын, кеудесін және білектерін пышақпен жарақаттаған.

 "Сотталушының қасақана кісі өлтіруіндегі кінәсі жәбірленушінің, куәгерлердің айғақтарымен және іс бойынша сараптаманың қорытындыларымен дәлелденді. Марқұмның үш жас баласы бар, оның қамқоршысы - марқұмның үлкен апасы. Сот айыпталушының қылмыстық жауапкершілігін жеңілдететін және ауырлататын мән-жайларды анықтаған жоқ. Сот қылмыстың ауырлығын және сотталушының жеке басын, оның ішінде жазаның өтелмеген бөлігінің жиынтық негізіне ішінара қосылуын ескере отырып, сот оны 14 жылға 6 айға бас бостандығынан айырды", деп хабарлады сот.

Сот үкімі заңды күшіне енген жоқ. 2019 жылдың 4 тамызында Заречный кентінде 37 жастағы Кымбат Ибраева сотталушы Айдын Абдинмен және үш баласымен бірге тұратын пәтерде өлтіріліп, 40 рет пышақталған. Айдын Абдин бұған дейін Қостанай қаласы әкімдігінің мәдениет және тілдерді дамыту бөлімінің маманы болып жұмыс істеген. Бұған дейін ол пәтер алаяқтық әрекеті үшін жауапқа тартылған болатын.