Шығыс Қазақстанда ең алып көпір салынбақ

Шығыстағы Бұқтырма су қоймасына салынатын көпірге республикалық қазынадан 5 миллиард, ал облыстан 500 миллион теңге бөлінді, деп хабарлайды NewsRoom+ақпарат агенттігі  «Хабар 24» ке сілтеме жасап. Қазақстандағы ең үлкен нысан салынса, елдің ең шығысындағы алты аграрлық ауданда көлік-логистика мәселесі шешіледі. Қатонқарағай мен Алтай ауданына барып-келу жолы 500 шақырымға қысқарады. Ал көпірдің жалпы ұзындығы – 1300 метр, ені 9 метрге жуық болады. Экономикалық ерекше маңызы бар бұл көпірді салу жөнінде өткен жылы ел Президенті Қасым-Жомарт Тоқаев Үкіметке қаржы бөлуді тапсырған. Осыдан соң бірден жобасы жасалып, көпірді салуға 30 миллиард теңге қажет екені нақтыланған. Ал алып нысанды салуға Жапония, Түркия және Қытай мемлекеттерінің құрылыс компаниялары ынта танытып отыр.

– Өткен жылы жобаны бастау үшін республикалық бдюжеттен 5 миллиард теңге бөлу жөнінде өтінім бергеміз. Ал облыстық қазындан 500 миллион бөлінді. Қазір осы бөлінген қаржымен жұмыс бастау үшін  конкурс басталды, - дейді ШҚО жолаушылар көлігі және автомобиль жолдары басқармасы басшысының  орынбасары Нұрбек Тұраров.