1 қыркүйекте Түркия мен Қазақстан арасындағы рейстер ашылады

Түркия мен Қазақстан арасында әуе рейстері 1 қыркүйектен бастап ашылады, - деп хабарлайды NewsRoom+ Ақпарат тілшісі Tengrinews.kz порталына сілтеме жасап. Әуе рейстерінің 1 қыркүйектен ашылатыны туралы Түркияның көлік және инфрақұрылым министрі Адил Караисмаилоглу жұма күні мәлімдеді. Басылымның хабарлауына қарағанда, Түркия 92 мемлекетпен әуе рейстерін қайта ашу туралы келіссөз жүргізген. Еске салайық, бұған дейін МСМ туризм индустриясы комитетінің төрағасы Дастан Рыспеков Қазақстаннан Түркияға әуе рейстерін 10 тамыздан бастап ашу жоспарланғанын айтқан болатын.