Ресей телеарнасының бас директоры Давлетяров Тоқаевтан марапат алды

Ресейлік Муз-ТВ арнасының бас директоры Арман Давлетяров Қасым-Жомарт Тоқаевтан марапат алды, деп хабарлайды Newsroom+Ақпарат агенттігі. Осыдан бір күн бұрын, 13 тамызда Қазақстанның Ресейдегі елшісі Ермек Көшербаев әйгілі музыкалық продюсер Арман Давлетяровпен кездесті. Дипломатиялық миссияның басшысы ресейлік «МУЗ-ТВ» телеарнасының бас директорын 50 жылдық мерейтойымен құттықтап, Президент Қасым-Жомарт Тоқаевтың «Құрмет» грамотасын табыс етті. Сыйлық Қазақстан мен Ресей арасындағы мәдени-гуманитарлық ынтымақтастықты дамыту мен нығайтуға қосқан үлесі үшін берілді. Арман Давлетяров құрметті марапаты үшін Қазақстан басшылығына алғыс білдірді және Қазақстан халқына денсаулық тіледі.