«Туған жерге тағзым ету - әр перзенттің парызы» - демекші, өзге аймақтарға көшіп кетсе де, туған жерін ұмытпай, қиын сәтте қамқорлық жасап жатқан азаматтар қатары Түлкібас ауданында күн санап артып келеді. Бүгін елін сүйген азаматтар пневманиямен күресте аса қажетті оттегі концентраторының 10 данасын аудандық ауруханаға табыстады. Бұл туралы
Newsroom+Ақпарат агенттігі Түркістан облысының Өңірлік коммуникациялар қызметіне сілтеме жасап хабарлайды.
Айта кетсек, Түлкібас ауданының тумалары «Жігіттер» квартетінің продюсері Ерғали Абдраймов оттегі концентраторының 5 данасын және «Nur Max» құрылыс компаниясының директоры Лесалы Абзал есімді азамат 5 данасын тарту етті.
Аудан тумалары қандай да қиын кезеңде болмасын туған жерлеріне қолдау көрсетіп, қол ұшын созуға дайын екендіктерін жеткізіп, ақ халатты абзал жандардың жұмыстарына сәттілік тіледі.
