Шорнақтағы жатақханаға күрделі құрылыс жұмыстары жүргізіліп жатыр

Шорнақ ауылында орналасқан Қ.Рысбеков атындағы 300 мектеп-интернатының жатақханасына құрылыс жұмыстары жүргізілуде. Бұл интернатта әлеуметтік жағдайы төмен отбасылардан шыққан балалар мен шалғайдағы шаруалардың балалары тұрақтайды. Осы сәтке дейін 356 оқушы білім алуда. Бұл туралы Newsroom+Ақпарат агенттігі Түркістан облысы әкімінің баспасөз қызметіне сілтеме жасап хабарлайды. Жүргізіліп жатқан құрылыс жұмыстарымен облыс әкімінің орынбасары Сакен Амангелдіұлы Қалқаманов, Кентау қаласының әкімі Даурен Махажанов танысты. Сакен Амангелдіұлы "құрылыс өз уақытында сапалы жүргізіліп, балаларға барлық жағдайлары жасалынған заманауи кейіпке енуі қажет",- деп құрылысшы мекемеге бірқатар тапсырмалар берді. Жатақхана құрылысы жаңа оқу жылына дейін аяқталып, пайдалануға берілетін болады.