​Жетісайда санитарлық тазалық жұмыстары мықтап қолға алынып отыр

12 Желтоқсан, 2018 436 0

Жетісай ауданының орталығы Жетісай қаласында санитарлық тазалық жұмыстары тиісінше баста назарда ұсталуда.

Қаладағы санитарлық тазалықты тиімді жүргізу мақсатында Жетісай қаласы үш санитарлық аймаққа бөлініп, «Жетісай» МКК, «Мақтарал ауданының коммуналдық шаруашылығы» ЖШС, «Жетісай Тұрмыс» ЖШС және «Нұр-Рай-2015» ЖШС мекемелері тұрғындармен және коммерциялық нүктелермен түзілген келісім-шарт негізінде қатты тұрмыстық қалдықтарды белгіленген кестеге сәйкес тазалау жұмыстарын жүргізіп келеді. Қала тұрғындарының 80,63 пайызы жоғарыда аталған мекемелермен келісім-шартқа отырып, кесте көше бойларына орналастырылған.

Қаладағы санитарлық тазалық жұмыстары қатаң бақылауға алынып, мөлтек аудандарындағы көпқабатты тұрғын үй аулаларындағы күл-қоқыс тастайтын 16 орын қайта реттелген. Сонымен қатар, 215 қоқыс контейнері де қойылған.

Дегенмен кейбір қала тұрғындары тәртіпке бағынғысы келмейтін көрінеді. Тазалық мекемелерінің еңбек ақысына айына төленетін 200-500 теңге аралығындағы қаражатты ауырсынып, қоқыстарын көше қиылыстарына тастауды әлі де доғарар емес. Қала әкімшілігі мен учаскелік полиция инспекторлары жүйелі түрде ескертулер жасауда. Десек те жүргізген түсіндіру жұмыстарына немқұрайлы қарайтындардың қатары әлі бар.

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.