Демалыс күндері еліміздің кей аймақтарында күн суытады

Елімізде демалыс күндері жаңбыр жауып, күн суытады, - деп хабарлайды NewsRoom+ ақпарат агенттігі "Қазгидромет" РМК орталығына сілтеме жасап. Ондағы мәлімет бойынша, алдағы үш күн ішінде Қазақстан аумағы арқылы оңтүстік циклон өтеді. Соның әсерінен еліміздің басым бөлігінде ауа райы тұрақсыз болады. Кейбір өңірлерде найзағай ойнап, жаңбыр жауады. Солтүстік-батыста қатты жаңбыр жаууы ықтимал. Кей аймақтарда дауыл тұрып, бұршақ түсуі мүмкін. Тек еліміздің шығысында ауа райы жауын-шашынсыз болады. Республика бойынша жел күшейеді.