Bek air ұшағының апатына бес шенеунік кінәлі ме?

Алматы облысында экс-шенеуніктер Bek Air ұшағының апатқа ұшырауына қатысты сот ісіне қатысуда. Күдіктілер қала әуежайы маңындағы жерді заңсыз иемденгенін мойындады, - деп хабарлайды Newsroom+Ақпарат агенттігі. Бұрынғы бес мемлекеттік қызметші: Талғар аудандық жер қатынастары бөлімінің бұрынғы басшысы Рустам Тұрысбеков, жер кадастры ғылыми-өндірістік орталығы Талғар аудандық филиалының бұрынғы басшысы Жарас Машимбаев, сол орган басшысының міндетін атқарушы Медеу Қалыбеков, Талғар аудандық бөлімі жерге орналастыру секторы басшысының міндетін атқарушы «Жер кадастрының ғылыми-өндірістік орталығы» Берік Абдуллаев және тағы жер қатынастары бөлімінің басшысы Қайрат Алтынбекұлы. Олармен бірге делдал - риэлтор Нұрайым Алданыш. Экс- мемлекеттік қызметкерлер сотта өз кінәларын мойындап, өкінетіндерін жеткізді. Күдіктілердің көпшілігі лауазымдық өкілеттіктерін асыра пайдаланып, алаяқтық жасады деп айыпталуда. Іс Талғар аудандық сотының судьясы Айдос Байғалиевтің қарауында. Риэлтордың адвокаттары соттың бүкіл құрамына қарсы шықты. Олар бұрынғы бес шенеунік пен олардың туыстары судьялармен таныс болуы мүмкін деп санайды, өйткені олардың бәрі Талғарда тұрады және айыпталушылар бір кездері мемлекеттік органдарда басшылық қызметтер атқарған. Адвокаттар судья Еркебұлан Келемсейітовті мысал ретінде келтірді. Күдіктілердің бірі Жарас Машимбаевты танығандықтан, сот ісін жүргізуден бас тартқан.