Ұлттық кеңестің мүшесі Гүлмира Илеуова бұрынғы Денсаулық сақтау министрі Біртановты жазаға тартуды талап етті деп хабарлайды Newsroom+Ақпарат агенттігі Dalanews.kz. сайтына сілтеме жасап.
Илеуованың пікірінше, Тоқаев бастамасымен құрылған Ұлттық кеңес әуелгі мақсатынан ауытқыған жоқ.
“Бұл кеңесте қоғамдағы күйіп тұрған тақырыпқа қатысты ойымды ашық айта аламын. Әлеуметтік сауалнама жүргізбей-ақ, көзге қораш көрінетін кез-келген мәселені Ұлттық кеңестің хатшылығына жолдай аламыз. Біздің ұсыныс-пікірімізді Тоқаевқа тікелей жеткізіп отыр. Мәселенің біразы шешілуде", – дейді Илеуова.
Оның айтуынша, Тоқаев шешім қабылдауға келгенде қабілетсіз, жабық билікті жақсы көретін басшылардың қатарынан емес.
“Оның басқару стилі өзгеше. Өткенде көрдіңіздер, Цирфрлық даму министрін алып тастады да, орнына ешкімді тағайындамады. Осылайша министрлерді әрі-сәрі күйге түсіріп қойды. Тоқаев бар шаруаны министрлерге ысыра салмай, тікелей өзі араласуда. Бір ғана дәрі-дәрмек мәселесін алып қараңыздар. Бұл проблема да президенттің деңгейінде шешілуде. Бірақ мәселе де осыдан туындайды. Өзге шенеуніктер сөз сапырғанға ғана шебер. Ал іске келгенде орашолақ. Орта жолда тастап кетеді. Аяқсыз қалдырады. Ақыры отставкіге кетеді. Мұндай министрлер оңай құтылдым деп ойламасын. Мәселен, экс-Денсаулық сақтау министрі Елжан Біртанов ұшты-күйлі жоғалды. Мен оның жазаға тартылуын талап етемін. Ертең елден кетіп, көзден бұлбұл ұшпасын”, – дейді Ұлттық кеңес мүшесі.