Жанұялық кіші футболдан түлкібастық отбасы олжалы оралды

02 Желтоқсан, 2018 482 0

Алматы қаласында қалалық Әуесқой футбол ұйымының басшылығымен бір атадан тараған жанұялық кіші футболдан Қазақстан Республикасының біріншілігі өтті. 

Республикалық турнирге еліміздің барлық облыс және аудандарынан бір әулеттен шыққан 29 команда келіп қатысты. Үш күнге созылған жарысқа командалар топ-топқа бөлініп өте тартысты әрі қызықты ойын көрсетті. Сынға түскен командалардың бәрі де өз өнерлерін паш етуден аянып қалмады. Ойын кезінде олардың отбасылық ауызбіршілігі мен жеңіске деген ынталары анық байқалады. Аталған турнирге Түлкібас ауданы Састөбе кентінде тұратын Лесбаевтар әулеті құрама команда ретінде қатысты.

 Спортшылар командасы барлық сайыстан да сүрінбей өтіп, ақтық ойынға жолдама алды. Лесбаевтар әулеті мен Алматы облысы Қарасай ауданынан келген Сауытбековтер әулеті бас жүлдені сарапқа салды. 

Нәтижесінде 3:3 есебімен тең түсіп, пенальтиден 4:3 есебімен Лесбаевтар командасы Қазақстан Республикасының біріншілігінде І орынды алып жеңімпаз атанды. Жеңімпаз командалардың бәрі де бағалы сыйлықтармен және кубок, медальдармен марапатталды.



Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.