Араға елу жыл салып коронавирустың арқасында табысқан әпкелі-сіңілілер

АҚШ-тың Небраска штатында әпкелі-сіңлілер коронавирустың арқасында 50 жылдан кейін қайта табысты, - деп хабарлайды NewsRoom+ Ақпарат тілшісі KAZ.NUR.KZ порталына сілтеме жасап. Басылымның хабарлауынша, 73 жастағы Дорис Криппен мамыр айында ауырып қалған. Ол бастапқыда тұмау жұқтырып алдым деп ойлаған, алайда уақыт өте келе әлсіздікті сезініп, тіпті әлсіздіктен құлап, қолын сындырып алған. Нәтижесінде Дористың COVID-19 жұқтырғаны белгілі болды. Ол ауруханада 30 күндей жатуға мәжбүр болған. Ал стационардан шығарылғаннан кейін Дорис Фремонт қаласындағы оңалту орталығына жүгінген. Ол орталықта күтпеген жерден жарты ғасыр көрмеген сіңлісі, 53 жастағы Бев Бороны жолықтырады. Дористың сіңлісі аталмыш орталықта 20 жылдан бері қызмет етеді екен. Бев науқастар тізімінде Дористың есімін көргенде, әпкесін кезіктіргенін түсінген. "Мен бұған сене алмадым. "Құдайым-ау, бұл менің әпкем сияқты" деп ойладым", - дейді Бев. Дористың есту қабілеті нашар болғандықтан, Боро тақтаға олардың әкесінің атын жазған. Дорис сол кезде ол да әкесінің қызы екенін растаған. "Жаратқан мені осында (оңалту орталығына) жіберіп, бізге мейірімін төкті. Себебі мұнда келмесем, сіңілімді таппас едім", - дейді Дорис Криппен.