Келес халық театры өнерпаздарының еңбегі бағаланды

28 Қараша, 2018 589 0

Түркістан облысы Келес ауданының мәдениет үйінің 40 жылдық мерей тойы тойланды.
Келес ауданының мәдениет үйінде Келес халық театрының 40 жылдығына арналған «Театр - менің өмірім» атты мерекелік іс-шарасы болып өтті. Мерекелік іс-шараға Келес ауданының әкімі Ақментай Есбаев, аудандық мәслихат хатшысы Арын Тотиков, Келес халық театрына еңбегі сіңген ардагер өнер майталмандарымен қатар аудан тұрғындары мен қадірлі қонақтар қатысты. Іс-шара барысында театр тарихынан сыр шертетін көрме ұйымдастырылып, театр жетекшісі Жангелді Мырзалиевтің режисерлігімен Болат Ұзақовтың «Жан дауа» спектаклі Келес халық театрының 40 жылдық мерейтойына арнайы сахналандырылды. Шара барысында аудан әкімі Ақментай Есбаев халық театр атағы, театр тарихында алтын әріптермен жазылатын өнер майталмандарының ерен еңбегінің арқасында келгенін айтып өтті. 
Сондай-ақ, алдағы уақытта сол еңбектенген азаматтардың бейнеті бағаланып, аудан әкімдігі тарапынан театрдың дамуына міндетті түрде қолдау болатынын айта отыра сол өнер адамдарын және киелі Келес халқын айтулы мерекемен құттықтап, театрға еңбегі сіңген өнер тарландарына арнайы алғыс хатын табыстады. Аудандық мәслихат хатшысы Арын Орынбекұлы да айтулы мерекеде театр ұжымын құттықтап, арнайы алғыс хатымен марапаттады. Сонымен қоса, мерейтой иелеріне облыстық Мәдениет және халық шығармашылығы орталығы мен Сарыағаш ауданы әкімдігінің арнайы алғыс хаттары табысталды. Мерекелік мерейтой барысында театр әртістері тарапынан әсем ән жолданып, көрермендердің ықыласына бөленді.

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.