Атырауда эпидемиологиялық жағдай тұрақталып келеді

Бүгін Қазақстан Республикасы Президентінің баспасөз хатшысы Берік Уәли өзінің фейсбук желісінде Мемлекет басшысы Қасым-Жомарт Тоқаевқа Нұр-Сұлтан, Алматы, Шымкент қалаларының, Алматы, Ақмола, Ақтөбе, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар, Солтүстік Қазақстан облыстарының әкімдері аталған өңірлердегі санитарлық-эпидемиологиялық ахуал жайында баяндағанын жариялады. Бұл туралы Maqat tynysy жергілікті сайтына Newsroom+Ақпарат агенттігі сілтеме жасап хабарлайды.

"Олардың айтуынша, коронавируспен ауырғандардың қатары азайып, сауығып шыққан науқастардың саны көбейген. Жалпы жағдай тұрақталып келеді. Төсек-орындар мен дәрі-дәрмектердің қоры жасалған. Президент ахуалды қатаң бақылауда ұстап, аталған міндетке басым бағыт ретінде мән беруді тапсырды. Бұл ретте карантин шараларын сақтаудың маңызды екені және халыққа түсіндіру жұмыстарын белсенді түрде жүргізе беру керектігі айтылды"-делінген жазбасында.