3 тамыздан кейін де рұқсат етілмейтін шаралар

ҚР Денсаулық сақтау министрі Алексей Цой 3 тамыздан бастап елімізде бірқатар нысандардың жұмысына рұқсат етіліп отырғанын, сондай-ақ қандай нысандарға қатысты әлі тыйымның күші жойылмайтынын айтты, - деп хабарлайды NewsRoom+Ақпарат тілшісі  zakon.kz. порталына сілтеме жасап. Ары-бері жүрген адамдарға қатысты мынандай талаптар бар: - Көшеге шығу, саябақтарда, алаңда және жағалауда қыдыру - топтасу 3 адамнан аспауы тиіс; - Бетперде тағу, санитарлық және дезинфекциялық режимді сақтай отырып, кондукторы бар, тиеген жолаушысы 50% -дан аспайтын, белгіленген уақытты сақтаған жағдайда қоғамдық көліктердің жұмыс істеуіне (соңғы аялдамада барлық есіктердің ашып, дезинфекция жасау) рұқсат етіледі. Сонымен бірге мынандай шараларға тыйым салынады: - қоғамдық іс-шаралардың барлық түрлеріне, ойын-сауық мекемелерінің, кинотеатрлардың, сауда үйіндегі тамақтану алаңдарының, банкет залдарының жұмысына. - мейрамханалар, барлар, түнгі клубтар және ойын клубтарына жұмысына; - мәдениет нысандарының, музейлердің, конференц залдардың, көрмелердің, форумдардың; - спорт залдарының, фитнес-орталықтардың, бассейндердің, жағажайлардың, аквапарктардың; - діни ұйымдардың; - қала маңындағы жолаушылар пойыздарының (электр пойыздары, жұмыс істейтін пойыздарды қоспағанда), қалааралық автобустардың (микроавтобустар) жүруіне тыйым салынады. - Ұсынылған шараларды қатаң сақтау біздегі жағдайды тұрақтандырып қана қоймай, аурудың өсу қарқынының төмендеуіне қол жеткізуге мүмкіндік береді. Осыған байланысты, әзірленген тәсілдерді мемлекеттік комиссияға тапсыру үшін мұны Сізден мақұлдауыңызды сұраймын, - деді Цой үкімет отырысында.