Маңғыстау облысындағы эпидемиологиялық жағдай тұрақтала бастады

Пандемия кезінде еліміздегі әр өңірлер бойынша сақтық шарасын жасау, алдын алу секілді мәселеде Маңғыстау облысы сынға ілінген болатын. Дәл қазіргі жағдайда өңірдегі жағдай тұрақталған деп, хабарлайды Newsroom+Ақпарат агенттігі ҚР Денсаулық сақтау министрлігінің статистикасына сілтеме жасап. Статистика бойынша 11-17 шілде аралығында 10 450 жағдай тіркелсе, 18-24 шілде арасында бұл көрсеткіш 8143 болған. Аталған мәліметке сүйенсек, 11-17 шілде аралығында Маңғыстау облысы бойынша 308 жағдай, ал 18-24 шілде аралығында 267 жағдай тіркелген. Жалпы елдегі коронавирус инфекциясын жұқтыру бойынша 80 226 жағдай тіркелді. Оның ішінде емделіп шыққандары 51 260 адам, емделіп жатқаны 28 254, қайтыс болғандар саны – 712.