Илон Маск миға қондырылатын чиптің пайдасын айтты

Америкалық кәсіпкер Илон Маск Neuralink компаниясының ми имплантаты туралы мәліметтерді жария етті.

Бұл туралы NewsRoom+ Ақпарат тілшісі  Tengrinews.kz-ке сілтеме жасап хабарлайды. SpaceX негізін қалаушысының айтуынша, чиптелген адамдар миға тікелей бағытталатын музыканы тыңдай алады. Маск ми чипі гормондардың деңгейін бақылауға мүмкіндік беретінін атап өтті. Мысалы, пайдаланушы уайым-қайғыны бір мезетте алып тастап, ойлануға ден қоя алады-мыс. Еске салайық, Neuralink адам миына имплантацияланатын құрылғыларды дамытады. Мамыр айында Маск мидың зақымдануы, есту немесе аяқ-қолдың қозғалысынан айырылған адамдарға сол қабілеттерін қалпына келтіруге мүмкіндік беретін имплант әзірлеу жыл соңына дейін аяқталады деп мәлімдеген. Чип мидың астына орналастырады және электродтар арқылы миға қосылады деп болжанып отыр.