Түркістандық депутат 2 тыныс алу аппаратын сыйлады

Түркістан облысында пандемияға қарсы күресті күшейту мақсатында "Өмір"  және "Шипа"  жобалары қолға алынғаны белгілі.  Оған "Nur Otan"  партиясының өкілдері, облыстық маслихат депутаттары үлес қосуда деп хабарлайды Newsroom+ ақпараттық агенттігінің тілшісі "Nur Otan"  партиясы Түркістан облыстық филиалының баспасөз қызметіне сілтеме жасап.. Ал жуырда Түркістан облыстық маслихатының депутаты Баймахан Сүлейменов өз қаражатына 2 жасанды тыныс алу аппаратын сатып алып, Түркістан қалалық жұқпалы аурулар ауруханасына ұсынды.  Бүгінде жалпы 1 100 000 теңгеге алынған құрылғылар науқастарды емдеуге қолданылып жатыр. Халық қалаулысы тағы бір тыныс алу құрылғысы мен 20 дәрі-дәрмек қорапшасына тапсырыс беріп, тұрғындарға қолдау көрсетіп отыр.