Жириновский: Фургалды түрмеде барынша қорлауда!

Хабаровск аймағының губернаторы Сергей Фургал тұтқындалып, Ресейде бірнеше күн қатарынан халықтық толқулар болып жатыр. «Лефортово» тергеу абақтысында отырған Сергей Фургалдың жағдайы жайында Владимир Жириновский ақпарат берді. «Фургалды түрмеде барынша қорлау басталып кетті. Теледидар беріп, антенна бермепті. Оқуға газет беріпті, онысы 9-шілдеде шыққан саны екен. Қолғап беріп, ал одан аллергия шығыпты. Бұл барып тұрған қорлау ғой», — деп жазды Жириновский өзінің telegram-каналында. Бұған дейін Жириновский Фургалды босатпаса, онда партиялық деңгейде қарсылық білдіретінін мәлімдеген болатын.