Атырау мен Шымкент қалаларында карантин режимі ұзартылады

---

Атырау облысының бас санитары Сәдуақас Байғабылов пен Шымкенттің бас санитары Әбдіманап Түлебаев  карантин режимін ұзарту туралы шешім қабылдады. Бұл туралы Newsroom+Ақпарат агенттігі хабарлайды. Атырау облысында 19 шілде сағат 00-ден бастап, 3 тамызға дейін қатаң режимдегі карантин шаралары орнатылады. Ал Шымкент облысында 20 шілде 00-ден бастап 3 тамыз 00-ге дейін ұзартылды. Карантин режиміне сәйкес Атырау облысында:

1. елдімекендер арасындағы автобустарға
2. Басқа қалаларға қатынайтын темір жол тасымалдарына
3. Автокөліктер 23:00-06:00 аралығында жүруге толықтай тыйым салынады.

Ал облыс, қала, аудан қызметін қамтамасыз етіп отырған кәсіпорындардан бөлек, сенбі, жексенбі демалыс күндері автокөлік қозғалысы мүлдем тоқтатылады. Қала тұрғындарының жүріс-тұрысына тыйым салынады. Жұмыс орнына баруға анықтамасы бар және жақын маңдағы дәріханалар мен азық-түлік дүкеніне барғандары есептелмейді. Ойын-сауық орталықтары мен мәдени нысандар, банкет залдарына, СПА орталықтар, жаттығу залдары, сауна, салон, шаштараз қызметтерінің барлығына толықтай тыйым салынбақ. Азық-түлік сатпайтын базарлар мен жабық азық-түлік дүкендері "үйге жеткізу" қызметіне көшеді. 65 жастан асқан адамдардың қозғалысы шектеледі. Санитарлық қызметтерді сақтай отыра, қонақ үйлер мен отель қызметтері жұмыстарын жалғастырады. ХҚКО жұмысы 9:00 ден 15:00 ге дейін , "Қазпочта" АҚ  жұмысы 9:00 ден 18:00 ге дейін жасайды. Теңіз кен орындары бұрынғы сақталған карантин режимімен қалады. Шымкент қаласында: Шағын аудан территорияларында орналасқан тұрғын үйлер мен көп қабатты үйлер үнемі тазалық жұмыстарын жүргізіп, күн сайын санитарлық дезинфекция жасалуы тапсырылды. 3 тамызға дейін созылған шектеу шаралары кезінде адам көп шоғырланатын барлық жерлердің жұмысы қайта тоқтатылады. Табысынан айырылған кіші және орта бизнес өкілдерінің барлығына 42500 теңге әлеуметтік жәрдемақы төленеді.