Асқар Мамин: Коронавирусқа қарсы вакцинаны бірінші боп аламыз
Асқар Мамин: Коронавирусқа қарсы вакцинаны бірінші боп аламыз
Қазақстан үкіметінің басшысы Асқар Мамин Ресей премьер-министрі Михаил Мишустинмен Еуразиялық үкіметаралық кеңестің отырысы алаңында сөйлесті.Бұл туралы Sputnik Қазақстан сайтына Newsroom+Ақпарат агенттігі сілтеме жасап хабарлайды.
Қазақстан Ресейде өнеркәсіптік өндіріс іске қосылған кезде коронавирусқа қарсы вакцинаны алғашқы елдердің бірі болып сатып алғысы келеді.
Мамин Ресейге COVID-19 індетімен күресуде көрсеткен көмегі үшін, атап айтқанда, дәрі-дәрмектер мен қорғаныс құралдарын және ондаған дәрігер жібергені үшін алғыс айтты.
l
"Ең бастысы, біз Қазақстанның әртүрлі өңіріне барып, жұмыс істеп жатқан ресейлік дәрігерлердің көмегін алдық", - деді Қазақстан премьері.Еліміз Ресейде әзірленген коронавирусқа қарсы вакцинаны сынақтан өткізу жұмыстарын бақылап отыр, деп атап өтті Мамин. "Осыған байланысты, Михаил Владимирович, вакцинаның өнеркәсіптік өндірісі басталған кезде, Қазақстан алғашқы елдердің қатарында вакцина партиясын сатып алу мүмкіндігіне ие болады деп үміттенеміз. Бұл өте маңызды", - деді ол. 17 шілдеде Минскіде Еуразиялық үкіметаралық кеңестің кезекті отырысы өтті, оған Қазақстан үкіметінің басшысы Асқар Мамин қатысты.