Нұр-Сұлтанда ер адам мен ит әйелді зорламақ болғандардан құтқарып қалды

12 Тамыз, 2019 167 0

Итін серуендетуге шыққан Нұр-Сұлтан қаласының тұрғыны үйінің жанында әйел адамды құтқарып қалды. Айтуынша, әйелді екі ер адам зорламақ болған, деп хабарлайды Stan.kz

11 тамыз кешкі уақытта Сергей Горбунов өзінің итін Қаржы академиясы ауданында Алтынемел көшесінде қыдыртып жүреді. Осы сәтте өзіне қарай шөптің арасынан әйел адам жүгіріп шығады. Оны қалай құтқарып қалғанын журналист Ирина Севостянова әлеуметтік желідегі парақшасында жазды. 

«Бұл екеуі бүгінде нағыз батырлар! Иә-иә, әзілдеп отырғаным жоқ және әсірелеп жатқаным да жоқ. Кешкі уақытта менің сүйікті күйеуім Сергей мен ғажайып итіміз Дэня нағыз әйел зорлаушыларды қолға түсірді! Екеуін! Біздің бір қарағанда тыныш болып көрінетін ауданнан. Олардың соңынан қуып жүріп ұстап алды!» - дейді Ирина Севостянова. 

Әрі қарай ол күйеуінің полиция шақырып, екі ер азаматты табыстағанын жеткізді. Сондай-ақ, ол күйеуі мен итінің ұстау кезінде екі ер азаматты соққыға жықпағанын және тістемегенін айтты. 

«Бүге-шүгесін полиция мен менің жігіттерімнен сұрасаңыздар болады. Ал мен бар болғаны олармен мақтанып, қуанышымды сіздермен бөліскім келеді», - дейді журналист. 


Тегтер: Нұр-Сұлтан, ит, әйел, құтқару, зорлық

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.