«Валюта - алтынға ауыса ма?»: ҚР Ұлттық Банкі желіде тараған ақпаратқа жауап берді

28 Маусым, 2019 757 0

NewsROOM+. ҚР Ұлттық банкі әлеуметтік желілерде тараған «алтын» валютасы жөнінде түсініктеме берді, деп хабарлайды ҚазАқпарат.

«Әлеуметтік желілер мен мессенджерлерде теңгенің құнсыздануы мен Қазақстанның жаңа валюта - алтынға ауысатыны туралы ақпарат таралып жатыр. Аудиохабарламадағы белгісіз дауыс кезекті рет қазақстандықтарды доллар сатып алуға үгіттейді және қарызға автокөлік, пәтер алуға кеңес береді. Ұлттық банк бұл ақпараттың жалған, арандатушылық пен  экономикалық қаскүнемдікке шақыратынын мәлімдейді», - деп хабарлады Ұлттық банктің баспасөз қызметінен. 

Қасақана жалған ақпаратты таратушыларды анықтау мақсатында банк құқыққорғау органдарына жүгінген. 

«Ұлттық банк аудиожазбадағы дауысты таныған адамдарды банктің телефонына немесе әлеуметтік желідегі ресми парақшаларына хабарласуды сұрайды», - деді қаржы институтынан.

Тегтер: ақша, алтын, валюта, Долларбағамы, құнсыздану

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.