Асқар Мамин жаңа ҚР білім және ғылым министрін таныстырды

13 Маусым, 2019 767 0

NewsROOM+. Қазақстан Республикасы Президентінің Жарлығымен Күләш Ноғатайқызы Шәмшидинова басқа жұмысқа ауысуына байланысты ҚР білім және ғылым министрі лауазымынан босатылды. Бұл туралы ҚР Премьер-Министрінің баспасөз қызметіне сілтеме жасап, newsroom.kz хабарлайды.

Асқар Мамин К. Шәмшидиноваға жемісті жұмысы үшін алғыс білдіріп, жаңа орында сәттілік тіледі.  

«Күләш Ноғатайқызы тәжірибесі мол басшы. Министр қызметінде қарқынды жұмыс істеп, еліміздің білім беру саласының дамуына елеулі үлес қосты», — деді ҚР Премьер-Министрі.   

ҚР Үкіметінің басшысы ҚР Білім және ғылым министрлігінің ұжымына жаңа министрді таныстырды. А. Мамин Асхат Аймағамбетовтың білім беру саласында тиісті білімі мен үлкен тәжірибесі бар екенін атап өтті. Асхат Аймағамбетов түрлі жылдары Қарағанды облысының Білім басқармасының басшысы, білім және ғылым вице-министрі қызметтерін атқарды, Қарағанды облысы әкімінің орынбасары болды.

Премьер-Министр Білім және ғылым министрлігінің алдында ауқымды міндеттер тұрғанын айтты. Бұл – мектепке дейінгі, орта, кәсіптік-техникалық және жоғары білімді жаңғырту, сұранысқа ие заманауи мамандар даярлау, білім және ғылымның сапалы жүйесін дамыту.  

Тегтер: АсқарМамин, К.Шәмшидинова

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.