29 мамырда кандидаттардың пікірталасы тікелей эфирде өтеді

24 Мамыр, 2019 196 0

NewsROOM+. 2019 жылдың 29 мамырында президенттікке үміткерлер арасында телевизиялық пікірталас өтеді. Қаулыны бүгін ҚР Орталық сайлау комиссиясы қабылдады.

«ҚР ОСК ҚР Президентінің кезектен тыс сайлауында сайлау алдындағы пікірталастар мен пікірсайыстар өткізу туралы қаулыны қабылады. Қабылданған қаулымен сайлау алдындағы телевизиялық пікірталастар мен пікірсайыстар өткізілетін күн бекітілді. Пікірталас 2019 жылғы 29 мамырда Нұр-Сұлтан қаласында «Хабар» агенттігі АҚ-ның телевизиялық арнасы эфирінде көрсетіледі», - деді ҚР ОСК мүшесі Ләззат Сүлеймен.

Оның айтуынша, ҚР Президентінің сайлауында сайлау алдындағы телевизиялық пікірталастар мен пікірсайыстарды жүргізу тәртібін көздейтін регламент әзірленген. Телепікірталас 3 раундқа бөлінген.

Бірінші раундтың тақырыбы – «Қазақстанның экономикалық даму басымдықтары». Сайлау алдындағы телевизиялық пікірталастар мен пікірсайыстардың бірінші раунды екі турды қамтиды:

  1. Бірінші турда әрбір қатысушы өзінің сайлау алдындағы бағдарламасын таныстыру мақсатында сөз сөйлейді.
  2. Екінші турда қатысушылардан өздерінің оппоненттеріне «сұрақ-жауап» түрінде пікірсайыс сессиясы жорамалданады. Қатысушылар өздерінің оппоненттеріне екі сұрақтан қойып, сондай-ақ екі сұраққа жауап бере алады. Екінші раундтың тақырыбы – «Қазақстанның әлеуметтік жаңғыруы». Екінші раундтың бірінші турында қатысушылар берілген тақырып бойынша сөз сөйлейді. Екінші турда жүргізушілердің барлық қатысушыларға бір сұрақ қоюы жорамалданады.
  3. Үшінші раундтың тақырыбы - «Сайлаушыларға арнау». Үшінші, қорытынды раундта қатысушылар тікелей сайлаушыларға арнап сөз сөйлейді.

Пікірталас пен пікірсайысты өткізуге 41 млн теңге қаражат бөлініп отыр.

Тегтер: сайлау, пікірталас, қаулы, президент

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.