Шымкентте Абай ауылындағы баланың ісі бойынша сот үкімі шықты

10 Қаңтар, 2019 495 0

Шымкентте Абай ауылындағы 7 жасар баланы зорлау ісі бойынша сот үкімі шықты. Сот үкіміне сәйкес, 2002 жылғы кәмелетке толмаған бала 7 жылға бас бостандығынан айырылды. Жазасын қауіпсіздігі орташа деңгейлі мекемеде (жалпы режимдегі колония - авт. түсіндірмесі) өтейтін болады.  

Түркістан облысы Абай ауылында 7 жасар баланы зорлау дерегі бойынша сот ісі Шымкентте қыркүйектің соңында басталған еді. Оқушының зорланғаны туралы мәліметтері былтыр наурызда Желіде пайда болды. Осы іс бойынша бірнеше жоғарғы сынып оқушылары күдікті ретінде өтті. Бірнеше елдің сарапшылары 14 зерттеу өткізіп, тек бес айдан соң ғана зорлау дерегі болғанын анықтады. Сот алдына 2002 жылғы кәмелетке толмаған бала келді.  

Айыпталушыға қатысты сотқа дейінгі тергеу шаралары ҚР Қылмыстық кодексінің 121-бабы 4-бөлігі бойынша жүргізілді. Сотқа 12 алқаби қатысқаны белгілі болды. Сот процесі жабық түрде өтті. Басында іс бойынша төрт күдікті болған, алайда оның үшеуіне қатысты қылмыстық қудалау тоқтатылды, себебі олардың жасы сол кезде 14-ке толмаған. 


Дереккөз: Tengrinews.kz 

Фото: ашық интернет көзінен алынды

Тегтер: бала, сотүкімі, зорлық, жеткіншек, қылмыс, Шымкент, Абай

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.